Мамлакатимизда “Яшил макон” умуммиллий лойиҳаси доирасида экологик атроф-муҳит муҳофазасига катта аҳамият қаратилиб, бу борадаги тадбирлар уюшқоқлик билан ўтказилмоқда.
Хусусан, Қорақалпоғистон Республикаси прокуратураси ташаббуси билан Нукус шаҳрининг Шадли-аул маҳалласида икки гектардан ортиқ фойдаланилмасдан турган ер майдони ўзлаштирилиб, экишлик ҳолатга келтирилди. Ушбу ер майдонига кўчат экиш жараёни катта тадбир сифатида ташкил этилди. Жумладан, Қорақалпоғистон Республикаси прокурори Э.Таджиев раҳбарлигида ёши улуғ нуронийлар, фаол ёшлар иштирокида бир ярим мингга яқин мевали ва манзарали кўчатлар экилди.
Албатта, лойиҳадан кўзланган мақсад, экологияни яхшилаш, яшил ҳудудларни кенгайтириш ва аҳолининг табиатга бўлган муносабатини ҳамда атроф-муҳитни яхшилаш ва барқарорликни таъминлаш, республика ҳудудларида яшил майдонларни кўпайтириш, аҳолини экологик маданиятга ундашдан иборат.
Довуд Абибуллаев, ЎзА мухбири.