2024 йилда Ўзбекистон ва Покистон ўртасидаги товар айирбошлаш ҳажми 400 миллион доллардан ошди. Яқин келажакда ушбу кўрсаткични 2 миллиардгача етказиш мақсад қилинган. Қишлоқ хўжалиги соҳаси халқаро савдо айланмасида ана шундай истиқболли тармоқлардан. Покистонда ўтказилган “Food Fest Uzbekistan – 2025” бунга ёрқин мисолдир.

Эътиборлиси Ўсимликлар карантини ва ҳимояси агентлиги ташаббуси билан мамлакатимизнинг Покистондаги элчихонаси кўмагида ўтказиб келинаётган мазкур кўргазманинг расмий очилишидан 1 соат ўтмай маҳсулотлар деярли сотиб бўлинди.

Ўзбекистонда етиштирилган ва қайта ишланган маҳсулотлар кўргазмаси Исломободнинг энг йирик савдо марказида ташкиллаштирилди. Унда Покистон Савдо-саноат палатаси, 30дан ортиқ элчихона вакиллари, кенг жамоатчилик вакиллари иштирок этди.  

3 кун давомида 25 нафардан зиёд маҳаллий тадбиркор ўз маҳсулотларини намойиш этди. Кўргазма доирасида Покистон Ислом Республикасининг Равалпинди Савдо-саноат палатасида учрашув ўтказилиб, Ўзбекистон маҳсулотлари экспорти ҳажмини ошириш масалалари муҳокама этилди.  Учрашув якунлари бўйича экспорт келишувлари имзоланди.

Қишлоқ хўжалиги маҳсулотлари ярмаркаси – бу нафақат ўзаро савдони ошириш учун асос, балки икки давлат ўртасидаги дўстлик ва стратегик ҳамкорликни ривожлантиришга хизмат қиладиган кўприк ҳамдир. 

<iframe width="1280" height="720" src="https://www.youtube.com/embed/r6m2HE5gk9Y" title="Pokistonda O‘zbekiston oziq-ovqat mahsulotlari ko‘rgazmasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Улуғбек Тўхтаев (видео), ЎзА