Покистон Вашингтон билан келишув имзолаб, тарихда биринчи марта АҚШ нефтини импорт қилмоқда, дея хабар тарқатди “Рейтер” агентлиги “Cnergyico” нефтни қайта ишлаш компанияси директорлар кенгаши раиси Усама Қурайшийга таяниб.

Президент Дональд Трамп чоршанба куни ушбу Ислом Республикаси билан янги шартнома имзоланганини эълон қилди. Энди Америка компаниялари Покистонда нефть қазиб олиш билан шуғулланади.

- Бу АҚШ “Vitol” энергетика концерни билан эришилган узоқ муддатли келишув доирасидаги дастлабки харид, - деди Қурайший. - Агар бу амалиёт тижорий нуқтаи-назардан маъқул келса, жараён мунтазам тус олади. Ҳозир бир миллион баррель енгил WТI хом нефти сотиб олинди. Маҳсулот октябрь ойи иккинчи ярмида Карачи шаҳрига етказилади.

С.Раҳимов, ЎзА