Пенсия жамғармасининг Коррупцияга қарши бошқарув тизимига мувофиқлик сертификати тақдим этилди
Пенсия жамғармаси матбуот хизмати маълумотига кўра, “CERT International” халқаро тренинг компанияси томонидан ўтказилган сертификатлаштириш аудитидан сўнг Пенсия жамғармасининг коррупцияга қарши бошқарув тизими ушбу стандарт талабларига мувофиқлиги тасдиқланди. Компания вакили томонидан Пенсия жамғармасига мувофиқлик сертификати тақдим этилди.
Шунингдек, Пенсия жамғармаси ижро этувчи аппаратининг 27 нафар ходими халқаро ISO 37001:2016 коррупцияга қарши курашиш менежмент тизими менежери – ички аудитори йўналишида “CERT Academy Group” халқаро тренинг компанияси томонидан беш кунлик ўқув курсларида қатнашиб, махсус сертификатларни қўлга киритди.
Мазкур ISO 37001:2016 халқаро стандарти талабларига мувофиқлик сертификатига эга бўлиши жамғарманинг барча кўринишдаги коррупцияга муросасиз муносабатда эканлигини билдириб, жамғарма фаолиятини барқарорлаштиришда муҳим рол ўйнайди.
ЎзА