Шу кунларда мамлакатимиз футбол клублари бўлажак мусобақалар, ҳусусан Ўзбекистон Суперлигасининг жорий йилги мавсумига пухта тайёргарлик кўрмоқда.

Жумладан, Суперлиганинг амалдаги чемпиони Қаршининг "Насаф" клуби янги мавсумга тайёргарликни 8 январь куни Туркиянинг Анталия шаҳрида бошлайди.  

Йиғин давомида "Насаф" бир қатор ўртоқлик ўйинларини ўтказади. Улардан бири Россиянинг "Спартак" клубига қарши бўлиб ўтади.  

Шунингдек, "Сўғдиёна" жамоаси БАА ва Туркияда ўқув-машғулот йиғинини олиб боради. Илк йиғин Зоминда ўтса, 21-31 январь кунлари БААда, 1-25 февраль кунлари эса Туркияда машғулотлар ташкил этилади.  

Тошкентнинг "Пахтакор" клуби ҳам кутилганидек халқаро ўқув-машғулот йиғинини Туркияда португалиялик бош мураббийи Педру Моррейра қўл остида ўтказмоқда.  

Жавоҳир Тошхўжаев,

ЎзА