Футбол бўйича Ўзбекистон Суперлигасининг 1-туридан ўрин олган “Пахтакор” – “Машъал” клублари ўртасидаги қолдирилган ўйинга "Жар" стадиони мезбонлик қилди.

Ушбу учрашувда “Пахтакор” 5:0 ҳисобида "Машъал"дан устун келди ва мавсумдаги илк ғалабасини қўлга киритди. Натижада, Суперлига жадвалида 3 очко билан 8-ўринга кўтарилиб олди. “Машъал” ҳисобида 3 очко бўлса-да, голлар нисбатига кўра, 13-поғонага тушиб кетди.

4 апрель кунидан бошлаб Суперлигада тўртинчи тур ўйинлари бошланади ва 6 апрель кунига қадар давом этади.

Бу турнинг дастлабки кунида “Сурхон” – “Қўқон-1912” ва “Бухоро” – “Бунёдкор” ўртасидаги беллашувларга гувоҳ бўламиз. 5 апрель куни “Нефтчи” – “Навбаҳор”, “Шўртан” – “Насаф” ҳамда “Қизилқум” – “Хоразм” клублари ўзаро рақобатлашса, 6 апрелда ОКМК – “Динамо”, “Сўғдиёна” – “Пахтакор”, “Андижон” – “Машъал” иштирокида ўйинлар ташкил этилади.  

Маълумот ўрнида: Суперлига баҳсларининг 3-тур учрашувлари якунига кўра, жадвалда ОКМК 9 очко билан карвонбошига айланган бўлса, “Бунёдкор” ва “Динамо” 7 очко билан кучли учликдан жой олган.

Жавоҳир Тошхўжаев,

ЎзА