Ўтган ҳафтада футбол бўйича Суперлига баҳсларининг 3-тур учрашувлари якунланган эди. Бироқ миллий чемпионатимизнинг 1-туридан ўрин олган “Пахтакор” – “Машъал” клублари ўртасидаги ўйин пойтахтимиз клубининг Осиё чемпионлар лигасидаги иштироки туфайли бошқа кунга қолдирилган эди.

Шу муносабат билан, эртага 2 апрель куни “Жар“ стадионида соат 19:30да “Пахтакор” – “Машъал” ўртасида ўйин ташкил этилади.

Ҳар иккала клуб мазкур учрашувга қадар 38 учрашувда тўқнаш келган. Уларнинг 27 тасида “Пахтакор“, 5 тасида “Машъал“ зафар қучган. Олти баҳс дуранг билан ўз якунига етган. Тўплар фарқи эса 76/25 – “Пахтакор” фойдасига.

Маълумот ўрнида: ҳозирда Суперлига жадвалида “Пахтакор” икки мағлубият эвазига 15-ўринда бораётган бўлса, “Машъал” 3 очко жамғариб, ўнинчи ўринда қолмоқда.

Жавоҳир Тошхўжаев, ЎзА