Пара велоспортчиларимиз жаҳон чемпионатининг илк кунида 3 та медалли бўлди
Белгиянинг Ронсе шаҳрида пара велоспорт бўйича ўтказилаётган Жаҳон чемпионатининг илк кунида Ўзбекистон терма жамоаси аъзолари 3 та медалга сазовор бўлди.
Матонат ва ирода соҳиби бўлган спортчиларимиздан Маржона Пардабоева ҳамда Покиза Аҳмадбекова ўз дастурларида иккинчи натижани қайд этган бўлса, тажрибали пара спортчимиз Азиз Атахўжаевга бронза медалига эга чиқди.
Эслатиб ўтамиз, 31 августга қадар давом этадиган жаҳон чемпионатида 9 нафар спортчимиз иштирок этмоқда.
Т. Рўзиев, ЎзА