Ўзбекистоннинг энг кучли слаломда эшкак эшувчилари аниқланди
Пойтахтимиздаги Бўзсув каналида слаломда эшкак эшиш бўйича яккалик, тезкорлик ва жамоавий йўналишлар бўйича мамлакат чемпионати якунланди.
Мусобақада юртимизнинг турли ҳудудларидан келган 200 нафарга яқин эшкак эшувчилар ўзаро рақобатлашди.
Чемпионатнинг C1 каноэ слалом йўналиши бўйича Шерзод Қурбонов, Абубакр Буканов ва Асилбек Темургалиев шоҳсупага кўтарилди. Шунингдек, К1 байдарка слалом йўналиши бўйича Жонибек Темургалиев, Мустафо Матибоев ва Баркамол Мирзаҳамдамов ғолиб ва совриндорлар қаторидан жой олди.
Жавоҳир Тошхўжаев, ЎзА мухбири