Муносабат
Маълумки, шу йил 5-9 апрель кунлари пойтахтимизда Парламентлараро Иттифоқнинг 150-юбилей ассамблеяси ўтказилади.
Жаҳон парламентларининг энг нуфузли ташкилоти бўлмиш Парламентлараро Иттифоқ ассамблеясининг Марказий Осиё минтақасида, яна айнан Ўзбекистонда илк маротаба ўтказилаётгани мамлакатимиз ижтимоий-сиёсий ҳаётида муҳим тарихий воқеа сифатида муҳрланиши муқаррар.
Парламентлараро Иттифоқ 1889 йилда ташкил топган бўлиб, бугунги кунда 180 та давлат парламенти ва 15 та минтақавий парламент тузилмасини бирлаштиради. Иттифоқнинг юбилей ассамблеясида 200 га яқин мамлакат вакиллари, жаҳон парламентарийлари жам бўлади.
Мазкур нуфузли халқаро анжуманнинг аҳамияти, унинг кун тартибида турган масалалар ҳақида Олий Мажлис Қонунчилик палатаси депутатларининг фикр-мулоҳазалари ва муносабатлари билан қизиқдик.
Олий Мажлис Қонунчилик палатаси депутатлари Фирдавс Шарипов ҳамда Одилжон Мамадалиев мазкур анжуман аҳамияти хусусида тўхталди.
Одилжон Мамадалиевнинг таъкидлашича, Парламентлараро Иттифоқ ассамблеяси амалиётга кўра, парламентаризм ва барқарор ривожланишнинг ижобий тажрибаси юқори бўлган давлатлардагина ўтказилади. Ўзбекистоннинг танланиши эса бежиз эмас. Бу Президентимиз раҳбарлигидаги оқилона, прагматик ички ва ташқи сиёсат, қонун устуворлиги, “халқ — жамият — давлат” тамойили асосида қурилаётган давлатчилигимиз асослари ва бу борадаги миллий тажрибаларимизга нисбатан халқаро ҳамжамиятнинг ишончи ва эътирофи намунасидир.
PS: Батафсил қуйидаги видеоҳавола орқали танишишингиз мумкин.
<iframe width="650" height="420" src="https://www.youtube.com/embed/Xku28ZCQr3s" title="Oʻzbekistonga boʻlgan yuksak ishonch va eʼtirof namunasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳтарама Комилова, Улуғбек Тўхтаев (видео), ЎзА