Миллий статистика қўмитаси томонидан Ўзбекистондаги ўртача ойлик номинал ҳисобланган иш ҳақи бўйича маълумот эълон қилинди.

Қайд этилишича, 2025 йил январь-июнь ойларида ўртача ойлик иш ҳақи 5 982,3 минг сўмни ташкил этиб, ўтган йилнинг мос даврига нисбатан 17,2 фоизга ўсган.

Ўртача номинал маош Қорақалпоғистон Республикасида 4 757,2 минг сўм, Андижон вилоятида 4 935,3 минг сўм, Бухоро вилоятида 4 787,3 минг сўм, Жиззах вилоятида 4 476,8 минг сўм, Қашқадарё вилоятида 4 148,3 минг сўм, Навоий вилоятида 7 486,4 минг сўм, Наманган вилоятида 4 350, минг сўм, Самарқанд вилоятида 4 435,4 минг сўм, Сурхондарё вилоятида 4 256,5 минг сўм, Сирдарё вилоятида 4 789,8 минг сўм, Тошкент вилоятида 5 674,4 минг сўм, Фарғона вилоятида 4 443,8 минг сўм, Хоразм вилоятида 4 720,1 минг сўм, Тошкент шаҳрида 10 138,4 минг сўмни ташкил этган. 

Ҳудудлар кесимида ўртача ойлик номинал ҳисобланган иш ҳақлари Тошкент шаҳрида 10 138,4 минг сўмни ташкил этиб, ўтган йилнинг мос даврига нисбатан 118,8 фоизга ўсганлиги кузатилди. 

Шунингдек, бу кўрсаткич Сирдарё вилоятида 4 789,8 минг сўмни (ўтган йилнинг мос даврига нисбатан ўсиш суръати 118,0 фоиз), Жиззах вилоятида 4 476,8 минг сўмни (117,0 фоиз), Фарғона вилоятида 4 443,8 минг сўмни (116,9 фоиз), Наманган вилоятида 4 350,1 минг сўмни (116,6 фоиз) ва Сурхондарё вилоятида 4 256,5 минг сўм (116,1 фоиз)ни ташкил этган. 

Шу ўринда, ўртача ойлик номинал ҳисобланган иш ҳақи Андижон вилоятида 4 935,3 минг сўм (111,0 фоиз), Навоий вилоятида 7 486,4 минг сўмни (113,4 фоиз), Қорақалпоғистон Республикасида 4 757,2 минг сўмни (114,2 фоиз), Қашқадарё вилоятида 4 148,3 минг сўм (114,3 фоиз), Бухоро вилоятида 4 787,3 минг сўмни (114,8 фоиз), Тошкент вилоятида 5 674,4 минг сўм (115,3 фоиз), Хоразм вилоятида 4 720,1 минг сўмни (115,6 фоиз) ҳамда Самарқанд вилоятида 4 435,4 минг сўмни (115,8 фоиз) ташкил этиб, бошқа ҳудудларга нисбатан ўсиш суръати пастроқ эканлиги кузатилди. 

Энг юқори маош берувчи соҳалар: ахборот ва алоқа – ўртача 14 млн. 785,8 минг сўмни, банк, суғурта, лизинг, кредит 
ва воситачилик фаолияти – 16 млн. 252,9 минг сўмни ташкил этмоқда. 

Ш.Маматуропова, ЎзА