Миллий статистика қўмитаси маълумотларига кўра, 2025 йилнинг январь-февраль ойларида Ўзбекистон ва Қирғизистон ўртасидаги товар айланмаси 163 миллион АҚШ долларини ташкил этди.

2024 йилнинг шу даврида бу кўрсаткич 96,2 миллион долларни ташкил этганди.

Ҳисоботда келтирилишича, йилнинг дастлабки икки ойида Ўзбекистоннинг ташқи савдо айланмаси 10,8 миллиард долларни ташкил этди, бу ҳолат ўтган йилнинг шу даврига нисбатан 973,3 миллион долларга ёки 9,9 фоизга ўсди.

Маълумот ўрнида: диёримиз бугунги кунда дунёнинг 160 дан ортиқ мамлакати билан савдо алоқаларини олиб бормоқда. Давлатимиз ташқи савдо айланмасининг энг катта ҳажми Хитой (19,2%), Россия (14,9%), Қозоғистон (6,1%), Туркия (3,9%) ва Афғонистон (2,5%) ҳиссасига тўғри келади.