Айни кунларда Ўзбекистон U17 терма жамоаси Туркияда давом этаётган “U-17 Antalya Youth Cup” халқаро ўртоқлик мусобақасида иштирок этмоқда.

Ислом Исмоилов бошқарувидаги Ўзбекистон U17 терма жамоаси бугун, 12 февраль куни Марокаш U17 термасига қарши баҳс олиб боради. Учрашув мамлакатимиз вақти билан соат 17:00 да «Эмирхан» спорт марказида старт олади.  

Маълумот ўрнида: ўсмирлар терма жамоамиз илк учрашувда словакиялик тенгдошларига қарши баҳс олиб бориб, 4:2 ҳисобида мағлубиятга учраган эди.  

Жавоҳир Тошхўжаев,

ЎзА