Аввал хабар берганимиздек, футбол бўйича Ўзбекистон миллий терма жамоаси 30 август кунидан 8 сентябрь кунига қадар "CAFA Nations Cup" турнири иштирок этади.
Мазкур мусобқадан сўнг, келаси йили бўлиб ўтадиган Жаҳон чемпионатига тайёргарлик кўриш мақсадида бир қатор кучли рақибларга қарши ўртоқлик учрашувларини ўтказишни режа қилган.
Жумладан, ҳозирча Темур Кападзе қўл остида бўлиб турган терма жамоамиз октябрь ойидаги ФИФА кунларида Уругвай термаси билан ўртоқлик ўйинини Малайзиянинг Жоҳор шаҳрида жойлашган "Султон Иброҳим" стадионида 13 октябрь куни ташкил этишни режалаштирган.
Маълумот ўрнида: Ўзбекистон ва Уругвай термалари бугунга қадар 2018 ва 2019 йилларда ўзаро ўртоқлик ўйинида тўқнаш келган ва ҳар иккала ўйинда уругвайликлар ғалаба қозонган. Ҳозирда Ўзбекистон терма жамоаси 2026 йилги Жаҳон чемпионатига йўлланмани қўлга киритган бўлса, Уругвай саралаш босқичида иштирокини давом эттирмоқда.
Жавоҳир Тошхўжаев, ЎзА