“Ўзбекистон – китобхонлар юрти” шиори остида ўтказилаётган “Китобхонлик ҳафталиги” доирасида Ёзувчилар уюшмаси аъзоси, шоир Шукур Қурбоннинг “Маккаю мадинам ёхуд узоқ-яқин кўнгиллар” ва “Яхшиликлар чамани ёхуд сарҳисоб” номли китоблари тақдимоти бўлиб ўтди.

Тақдимот маросимида маданият ходимлари, маънавият жонкуярлари, ёзувчилар, шоирлар, санъаткорлар, шоирнинг яқинлари, кутубхоначилар ҳамда кутубхона фойдаланувчилари иштирок этдилар.

Тадбирда сўзга чиққанлар Шукур Қурбоннинг ўзбек шериятига қўшган ҳиссасини, унинг қаламига мансуб шеърлар, уларнинг самимийлиги ва халқчиллигини эътироф этдилар. Шукур Қурбон шеърлари инсонпарварликка, меҳр-муҳаббатга чорлайди, инсон қалбини нурга тўлдиради, уни хушнуд этади.

“Маккаю Мадинам ёхуд узоқ-яқин кўнгиллар” номли асарда олис бир қишлоқдан шаҳарга бориб ўқиган ва у ерда ишлаб қолган кимсанинг фарзандлик бурчини бажариш йўлидаги уринишлари ҳамда онасига меҳр-муҳаббати тўғрисида ҳикоя қилинади.

“Яхшиликлар чамани ёхуд сарҳисоб” китобида шоир қалбининг тўридан жой олган энг олий хислари йўғрилган шеърлари ўрин олган. Ёзувчининг йиллар давомида ёзилган ушбу китоблар ҳаётийлиги, таъсирчанлиги, ўзига хослиги ва самимияти билан китобхонларга манзур бўлиши шубҳасиз.

<iframe width="640" height="420" src="https://www.youtube.com/embed/-Ko0nnhsfIU" title="Oʼzbekiston – kitobxonlar yurti" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов (видео), ЎзА