Пойтахтимиздаги «Universal horses stables» от спорти клубида "Ўзбекистон глобал тур-2025" мусобақасининг III босқич беллашувлари бўлиб ўтди.

Наманган, Фарғона, Андижон, Сирдарё, Бухоро ва Тошкент шаҳри чавандозлари 135 см., 120 см., 115 см., 110 см., 105 см., 95 см. баландликдаги тўсиқлардан сакраб ўтишда ўз маҳоратини намойиш этдилар.  

Ҳакамлар ҳайъатининг якдил қарорига асосан, ғолиб ва совриндорлар номи эълон қилинди.  

Оқил Собиржонов, Саидамирхон Турғунбоев, Дилшод Шокиров, Мила Исроилова, Асал Саидова, Мумтозбегим Ҳакимова, Неъмат Исмоилов ва Жасурбек Ҳотамбеков каби спортчилар маҳорат бобида тенгсиз эканлигини исботлаб, ғолиблик шоҳсупасининг энг юқори поғонасидан ўрин эгаллади.  

III босқич ғолиб ва совриндорлари ташкилотчилар томонидан таъсис этилган кубок, медаль ҳамда эсдалик совғалари билан тақдирландилар.  

[gallery-22287]

Муҳаммад  АМИН (сурат), ЎзА