ФОТОРЕПОРТАЖ

Танлов буюк жадид аллома, адиб ва мутафаккирларимизнинг бой маънавий меросини кенг тарғиб қилиш орқали ўқувчиларни китобхонликка жалб этиш, уларда мустақил ва танқидий фикрлаш ҳамда ватанпарварлик кўникмасини шакллантириш мақсадида ташкил этилди. Унинг вилоят босқичида 28 нафар 6-10-синф ўқувчилари уч шарт асосида ўз билимини синовдан ўтказди. 

Наманган шаҳридаги 3-умумтаълим мактабида ўтказилган тадбирда Мактабгача ва мактаб таълими вазири ўринбосари Фарҳод Боқиев қатнашди.

Қизғин ва муросасиз кечган баҳсларда Давлатобод туманидаги 3-ДИМИнинг 8-синф ўқувчиси Руҳшона Абдуғаниева ҳамда Чортоқ туманидаги 1-мактабнинг 9-синф ўқувчиси Абдулазиз Собиров биринчи ўринни эгаллаб, беллашувнинг мамлакат босқичида қатнашиш ҳуқуқини қўлга киритди. 

[gallery-26190]

Таъкидлаш керак, мазкур танловда иштирок этиш истагини билдирган ёшлар сафи кейинги йилларда сезиларли ортмоқда. Ўтган йили умумий ўрта таълим мактабларининг 9324 нафар ўқувчиси рўйхатдан ўтган бўлса, жорий йил бу кўрсаткич 41 минг нафарни ташкил этди. 

Ҳотам МАМАДАЛИЕВ (сурат), ЎзА