Ўқишни кўчириб бериш билан боғлиқ фирибгарлик ҳолати фош этилди
Фуқаро А.И. бошқа бир фуқаро О.Р.нинг ишончига кириб, ўқиш масаласида ундан 1,5 минг АҚШ доллари олган.
Унга танишлари ёрдамида қўшни давлатдаги олий ўқув юртининг биринчи курсини тамомлагани тўғрисида ҳужжат тайёрлаб бериб, кейинчалик Тошкент шаҳридаги университетлардан бирига ўқишини кўчириб беришни ваъда қилган.
Аммо "операция" Бош прокуратура ҳузуридаги Департаментнинг Тошкент вилояти бошқармаси томонидан ДХХ ходимлари билан ҳамкорликда ўтказилган тезкор тадбирда фош этилди.
Ашёвий далиллар билан ушланган шахсга нисбатан жиноят иши қўзғатилиб, тергов ҳаракатлари ўтказилмоқда.
ЎзА