Олимлар сайёрамизга қараб ҳаракатланаётган “3I/ATLAS” космик обьектидан биринчи радио сигнални аниқлади, деб хабар тарқатди “The Astronomer’s” портали.

Ўзга сайёралик “кема”дан мужда 1665 МГц ва 1667 МГц йўналишларида аниқланди, дейилади хабарда.

Таъкидланишича, сигнал Жанубий Африкадаги “МеерКАТ” радио телескопи томонидан қабул қилинган. 

Гарвард университети профессори Ави Лоебнинг сўзларига кўра, келаси йил 16 март куни “3I/ATLAS” Юпитер ёнидан ўтади. Ўшанда “Юнон” космик аппарати объектнинг паст частотали радио сигналини аниқлашга уриниши кутилмоқда.

Эслатиб ўтамиз, “3I/ATLAS” коинот объекти жорий йил 1 июль куни аниқланган эди. Кейинчалик, олимлар бу бошқа юлдуз тизимидан келган комета эканлигини пайқаб қолишди. Унинг (ядрони ўраб турган газ ва чанг булути) диаметри тахминан 24 километрни ташкил қилади. Компьютер модели объект ёшини етти ярим миллиард йилдан ортиқ, деб баҳолади — бу Қуёшдан уч миллиард йил катта дегани. 

Сентябрь ойида Лоеб Қуёш тизимидан ўтаётган юлдузлараро объект “3I/ATLAS” “аномал эволюция”дан ўтганини ва рангини ўзгартира бошлаганини хабар қилган эди.

С.Раҳимов, ЎзА