Ўзбекистон Фанлар академияси ташкил топганлигининг 80 йиллиги муносабати билан ўтказилаётган тадбирлар доирасида Фанлар академиясининг олим ва ходимлари иштирокида спортнинг шахмат тури бўйича мусобақа ташкил этилди.

— Илм аҳли, зиёлилар фандаги янгилик ва лойиҳалар ичида яшайди. Олимларимизнинг ишдан бўш вақтларини мазмунли ташкил этиш мақсадида ушбу мусобақа ўтказилди.  

Шахмат ақл ва заковатни талаб этадиган ўйин. Шу маънода  бу спорт мусобақаси олимларга завқ ва куч бағишлади,—дейди Фанлар академияси матбуот хизмати раҳбари Гулноза Шарофова.    

Ўзбекистон Фанлар академияси Бирлашган Касаба уюшма қўмитаси томонидан ўтказилган шахмат бўйича мусобақада аёллар ўртасида:    

1-ўрин Эзоза Тўхташева —Ўсимлик моддалари кимёси институти;    

2-ўрин Нигора Тагалиева —  Биоорганик кимё институти;    

Математика институтидан Каромат Назарқулова эса 3-ўринни қўлга киритди.    

Эркаклар ўртасида:    

1-ўрин Азамат Аҳмедов  —  Механика иншоотлар сейсмик мустаҳкамлиги институти;    

2-ўрин Чори Шердонов   —   Астрономия институти;  

3-ўрин Хумоюнмирзо Ғуломжонов — Полимерлар кимёси ва физикаси институти ходимларига насиб этди.  

Ғолиблар академия томонидан эсдалик совғалари билан тақдирланишди.    

Н.Раҳмонова, ЎзА.