Жаҳон соғлиқни сақлаш ташкилоти (ЖССТ) дунё мамлакатларини неврологик касалликларнинг олдини олиш бўйича фаол чоралар кўришга чақирди. Ҳисоботга кўра, бу касалликлар ҳар йили 11 миллиондан ортиқ ўлимга сабаб бўлмоқда ва 3 миллиарддан зиёд одамга таъсир қилмоқда.

2021 йилда ўлим ва ногиронликка энг кўп ҳисса қўшган 10 та касаллик орасида инсульт, алтсгеймер, мигрень, эпилепсия, менингит, аутизм ва мия ўсмалари бор.   

ЖССТ маълумотига кўра, паст даромадли мамлакатларда невропатологлар сони бой давлатларга нисбатан 80 баробар кам. Кўплаб давлатларда миллий дастурлар ва молиявий маблағлар етишмайди.   

Ташкилот вакили доктор Жереми Фаррарнинг таъкидлашича, ҳар уч кишидан бири миясига таъсир қилувчи ҳолатлар билан яшамоқда, аммо, айниқса, қишлоқ жойларда тиббий ёрдам етарли эмас.   

Ҳисоботда ЖССТГА аъзо 194 мамлакатдан атиги 102 таси тадқиқотда иштирок этгани, 63 таси (32%) неврологик касалликларга қарши сиёсатга эга экани ва фақат 34 таси (18%) махсус маблағ ажратгани қайд этилган.  

<iframe width="791" height="445" src="https://www.youtube.com/embed/jNTauA8w8hI" title="Nevrologik kasalliklar har yili 11 milliondan ortiq o`limga sabab bo`lmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов (видео), ЎзА