ФОТОРЕПОРТАЖ

Миллий гвардия Наманган вилояти Чавандозлар мактабида улоқ-кўпкари бўйича IV халқаро турнирнинг тантанали очилиш маросими бўлиб ўтди.

Мусобақа давлатимиз раҳбарининг 2021 йил 5 августдаги "Сурхондарё вилоятида қорабайир зотли отларни етиштириш ва оммалаштириш ҳамда от спорти турларини янада ривожлантириш чора-тадбирлари тўғрисида"ги қарори ижроси доирасида ташкил этилди. 

Очилиш маросимида вилоят ҳокими ўринбосари Ғ.Муродхўджаев, Миллий гвардия марказий девони масъул офицерлари, вилоят бўйича бошқармаси бошлиғи, ҳарбий прокурор ҳамда Ўзбекистон улоқ-кўпкари федерацияси раиси иштирок этди. 

[gallery-22463]

Маросимда мамлакатимизда улоқ-кўпкарини ривожлантириш йўлида амалга оширилаётган чора-тадбирлар, хусусан, давлатимиз раҳбарининг ташаббуслари ҳақида алоҳида сўз юритилди. 

Турнирда Ўзбекистон-1, Ўзбекистон-2, Россия, Қозоғистон ва Тожикистон жамоалари ўз имкониятини синовдан ўтказади. 

Мусобақа аввалида иштирокчи чавандозлар отларда саф тортиб, ўз жамоаларини намойиш қилди. Сўнг ҳакамлар халқаро турнирнинг дастлабки баҳси — Ўзбекистон-1 ва Қозоғистон жамоалари ўртасидаги учрашувга старт берди.

Ҳотам МАМАДАЛИЕВ (сурат), ЎзА