Мьянмада зилзила қурбонлари сони 2719 нафарга етди
Мьянмада юз берган зилзила қурбонлари сони 2719 кишига етди, 4521 киши жароҳат олган, деб хабар тарқатди Хитой марказий телевидениеси.
– Мьянма раҳбари Мин Аунг Хлаинг кучли зилзила оқибатида ҳозиргача 2719 киши ҳалок бўлган, 4521 киши жароҳатланган ва 441 киши бедарак йўқолганини маълум қилди. Унинг сўзларига кўра, қурбонлар сони 3000 кишидан ошиши мумкин, - дейилади хабарда.
Ўтган жума куни Мьянмада 7,7 магнитудали зилзила содир бўлди. Ер силкинишлари беш қўшни давлатда, жумладан Таиландда ҳам сезилди.