Кеча тунда марказий нуқтаси Мьянманинг 1,2 миллиондан кўп аҳоли истиқомат қиладиган Мандалай шаҳридан 16 километр жануби-ғарбда, 35 километр чуқурликда қайд этилган 5,0 магнитудали зилзила юз берди, деб хабар тарқатди Европа-Ўрта ер денгизи сейсмология маркази (EMSC).

Ҳозирча қурбонлар ва вайронагарчилик ҳақида маълумот йўқ.

Ўтган ҳафта ўчоғи ушбу мамлакатнинг Сагаинг шаҳридан 12 километр масофада, ўн километр чуқурликда экани аниқланган 7,7 магнитудали зилзила содир бўлганди. Ўшанда ер силкиниши қўшни Бангладеш, Ҳиндистон, Таиланд, Лаос ва Хитойда ҳам сезилганди.