Сирдарё вилояти Оқолтин туманидаги ихтисослаштирилган мактабнинг 11-синф ўқувчиси Азиз Юсупов муддатидан олдин АҚШдаги "Florida International" университетига қабул қилиниб, 4500 долларлик грант маблағи ютди. У бир вақтнинг ўзида "Chicago State" ҳамда Тошкент шаҳридаги "Янги Ўзбекистон" университетларининг талабасига айланди.

Азиз Ielts.дан 7,0 ва Sat.дан  1280 балл тўплаб, муддатидан олдин талабалар сафидан жой эгаллади.

–Фарзандимнинг бу ютуғидан беҳад хурсанд бўлдик. Бунинг учун ўғлимга таълим-тарбия бераётган устозларига раҳмат, – дейди ўқувчининг отаси Бахтиёр Юсупов.

Ғулом Примов, ЎзА мухбири