Президент ташрифидан сўнг...

Юрт тараққиёти миллий ўзлик ва маданий меросга бўлган эҳтиром билан янада юксалади. Пойтахтимизда Ўзбекистон миллий музейи қад ростлайди. Унинг ташқи қиёфаси айлана, тўрт бурчак ва уч бурчак шаклида бўлиб, Шарқ ва Ғарб маданиятини ўзида уйғунлаштиради. Мажмуа 3 қаватли музей, 2 қаватли ертўла ҳамда ёрдамчи бинолардан иборат бўлади. 

Президент Шавкат Мирзиёев 27 август куни Ўзбекистон Миллий музейи қурилишига тамал тоши қўйди. Шу муносабат билан Ўзбекистон Миллий боғи яқинидаги майдонга маданият ва санъат намояндалари, олимлар ва адиблар, нуронийлар, жамоатчилик вакиллари йиғилди.

Азамат ЗИЁ, Тарих институти директори, академик:

– Аввало, мажмуанинг Миллий музей деб аталиши эътиборимни тортди. Миллий музей, бу – миллат музейи, халқ музейи. Президентимиз ушбу музейни халқимизнинг мулки бўлиб қолади, дея таъкидлади. Биз шу мулкни қанча қадрласак, унинг аҳамиятини англасак, юксалаверамиз. Инсон билимни қаердан олади – китобдан, музейдан. Демак, қадриятларимиз ва ўзлигимизни жамлагувчи музей ана шундай билимлар маскани бўлади.

Қуйида тўлиқ видео:

<iframe width="650" height="420" src="https://www.youtube.com/embed/en2Cd1y5430" title="Milliy muzey, bu millat muzeyi, xalq muzeyi bo‘ladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ, ЎзА