Фуқаролик ишлари бўйича Қорақалпоғистон Республикаси Чимбой туман судининг 2025 йил 11 мартдаги ижро ҳужжатига асосан вояга етмаган бир нафар фарзанд жавобгар И.К.дан даъвогар боланинг онаси О.Н.нинг тарбиясига олиб бериш белгиланди.

Ушбу ижро ҳужжати бўйича Мажбурий ижро бюроси Кегейли туман бўлими ходимлари томонидан ижро ҳаракатига киришилди. Хусусан, бўлим давлат ижрочиси Ички ишлар бўлими профилактик инспектори билан бирга жавобгарнинг яшаш манзилига бориб, унга суд қарори талабини бажариш лозимлиги, уни бажармаслик оқибати ҳақида батафсил тушунтириш берилди. 

Жавобгар И.К. болани онаси бағрига қайтариб, суд қарори ижроси амалда таъминланди.

Довуд Абибуллаев,

ЎзА мухбири.