ФОТОРЕПОРТАЖ
Ўзбекистон Республикаси мудофаасига кўмаклашувчи “Ватанпарвар” ташкилоти Наманган шаҳар ўқув спорт техника клубининг ўқ отиш мажмуасида ёшлар ўртасида олимпиада ўйинлари дастурига киритилган “Пневматик қуролдан ўқ отиш” спорт тури бўйича Ўзбекистон кубоги мусобақасининг 2-финал босқичига старт берилди.
Мусобақа Марказий кенгаши томонидан тасдиқланган “2025 йилда спортнинг техник ва амалий турлари бўйича Республика миқёсида ўтказиладиган спорт ва оммавий жисмоний тарбия тадбирларининг календар режаси”га асосан ташкил этилди.
[gallery-24560]
Мерганлик баҳсларида республикамиз ҳудудларидан ташриф буюрган 10 та жамоа таркибида 115 нафар спортчи қатнашмоқда.
Мусобақада 2005 йилдан кичик ёшдаги спортчилар ВП-6 ва ПП-3 машқлари, яъни ўғил ва қиз болалар ҳаво милтиғидан ҳамда ҳаво тўппончасидан ўқ отиш бўйича баҳс олиб бормоқда.
Ҳотам МАМАДАЛИЕВ (сурат), ЎзА