Америкалик миллиардер Илон Маск бож бўйича янги тарифлар жорий этилиши ва ҳукуматни ўзгартиришга уринишда унинг таъсири борлига ҳақида кенг тарқалган хавотирлар асносида четга чиқмоқчилигини билдирди.

Қолаверса, у савдоси ва даромади кескин пасайган Тесла электр автомобиль компаниясини бошқаришга кўпроқ эътибор қаратишни режалаштираётганини ҳам айтди. Бу ҳақда “Politico” ёзди.

Зеро, 2025 йил биринчи чоракда Тесланинг автомобиль сотувидан йиққан умумий маблағи 20 фоиз, соф даромади эса ҳайратланарли даражада – 71 фоиз камайган.

Сармоядорлар билан ўтказилган йиғилишда Маск шундай деди:

– Келгуси ойдан бошлаб кўпроқ вақтимни жамоамга бағишлайман, Президент Дональд Трамп хоҳлаганидек, ҳукумат ишларига бир ёки икки кун ажратаман.

Кеча кечқурунги маълумотга кўра, Тесланинг умумий даромади 19,3 миллиард доллар тушиб, ўтган йил биринчи чорака нисбатан 9 фоизга пасайди. Бундай кескин қулаш қисман автомобиль етказиб бериш қисқариши ва нарх тушиши билан боғлиқ.

Шуниси эътиборга лойиқки, Маск ҳозир бутун дунёни қийнаётган солиқ сиёсатига тўлиқ қаршилигини айтган:

– Кўп бор пастроқ тариф фаровонлик учун яхши ғоя эканини таъкидлаганман, лекин бу қарор биринчи навбатда Америка Қўшма Штатлари Президенти, халқ сайлаган вакилга боғлиқ. Мен эса юқори эмас, балки пастроқ меъёрларни ҳимоя қилишда давом этаман. Қўлимдан келадигани ҳозирча шу.

Мусулмон Зиё, ЎзА