Жаҳон иқтисодиёти ва дипломатия университетида “Марказий Осиё глобал иқтисодий трансформация чақириғи қаршисида: баҳо ва фараз” мавзусида халқаро конференция бўлиб ўтди. Мазкур йирик тадбир Германиянинг “Роза Люксембург” жамғармасининг Марказий Осиёдаги минтақавий ваколатхонаси ва мазкур олий ўқув юрти ҳузуридаги Илғор халқаро тадқиқотлар институти билан ҳамкорликда ташкил этилди.

Анжуманда Марказий Осиё мамлакатлари, Германия, Хитой, Ҳиндистон ва Озарбайжондан таниқли иқтисодчилар, давлат ва жамоат арбоблари, олим, социолог, антропологлар қатнашди.

Муҳокама чоғида дунё иқтисодий ва молиявий тизимидаги ўзгаришлар, йирик давлатлар ўртасидаги рақобат, энергия алмашинуви, шунингдек сунъий интеллектнинг жадал ривожи каби долзарб масалалар кўтарилди. Мутахассислар глобал иқтисодий ландшафт жараёнининг минтақамиз мамлакатлари узоқ муддатли барқарор ривожланиши истиқболига таъсирини таҳлил қилдилар. Хусусан, иқтисодий ўсишнинг янги манбалари, замонавий иш ўринлари яратишда рақамлаштириш, муҳим минераллар, яшил технология ва инновация имкониятидан самарали фойдаланиш бўйича таклифлар илгари сурилди.

<iframe width="650" height="420" src="https://www.youtube.com/embed/ABaHSsx5i50" title="Markaziy Osiyo va global iqtisodiyot: baho, taxmin..." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё, Нишонбой Абдувоитов (видео), ЎзА