Марказий банк олтин қуймаларининг нархи 40 фоиздан кўпроққа ошди
Марказий банк маълумотларига кўра, 5 граммли олтин қуйма нархи илк бор 6,7 миллион сўмдан ошди ва рекорд даражани қайд этди. Бунда 1 грамм олтин 1 миллион 42 минг сўмга баҳоланмоқда. Бу мамлакат тарихида рекорд натижа бўлиб, сўнгги бир йил ичида олтиннинг кескин қимматлашганини кўриш мумкин.
Бир йил олдин - 2024 йилнинг апрель ойида 5 граммли олтин қуйма нархи 4 миллион 720 минг сўм атрофида эди. Бир йил ичида бу қиймат 1 миллион 980 минг сўмдан ортиқ кўтарилиб, тахминан 41 фоиз ўсишни кўрсатди.
Сўнгги йилларда Россия, Хитой ва бошқа давлатлар ўз олтин захираларини кенгайтиришга ҳаракат қилмоқда. Бу эса нархларни янада оширишга туртки бўлади.
Ш.Маматуропова, ЎзА