Миллий гвардия Ҳарбий мусиқа академик лицейида "Биз озод юртнинг бахтиёр фарзандларимиз" шиори остида маънавият фестивали бўлиб ўтди.

Мазкур фестиваль маънавиятнинг қадимий илдизлари, ноёб ва бетакрор намуналари, бугунги кундаги ривожланиш тамойилларини янги босқичга олиб чиқиш, шунингдек, ёшлар қалбида меҳр-оқибат, ҳамжиҳатлик, ватанпарварлик, шукроналик туйғуларини ривожлантиришга қаратилган. 

Фестиваль доирасида “Наврўз дастурхони”, "Моҳир қўллар" танловлари, "Китоблар кўргазмаси", "Ёш ихтирочи физиклар" кўргазмаси, халқ ўйинлари, шунингдек, лицей ўқувчиларининг вилоятлар кесимида бадиий чиқишлари намойиш этилди. 

Тадбирнинг бадиий қисмида меҳмон санъаткорларнинг мусиқий чиқишлари иштирокчиларни рақсга чорлади. Ўқувчилар ўз навбатида республикамизнинг ҳар бир вилоятига мансуб рақсларни ижро этиб, ота-оналари, устозлари ва меҳмонлар эътирофига сазовор бўлишди.

Бу каби тадбирларнинг ўтказилиши ёш авлодни маданият ва санъат, жисмоний тарбия ва спортга жалб этиш, уларда ахборот технологияларидан тўғри фойдаланиш кўникмасини шакллантириш, ёшлар ўртасида китобхонликни тарғиб қилиш, ўқувчи-ёшларни ватанпарварлик руҳида тарбиялашга кенг замин яратмоқда.

<iframe width="650" height="420" src="https://www.youtube.com/embed/rRxQJysYwBs" title="Maʼnaviyat festivali yoshlarni hamjihatlik va vatanparvarlikka chorlaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова, ЎзА