Якшанба куни Таиланд-Малайзия чегараси яқинида қайиқ чўкиб кетганидан сўнг юзлаб одамлар бедарак йўқолган, 10 нафари омон қолган ва бир кишининг жасади топилган, деб хабар бермоқда “Arab News” нашри.

Омон қолганлар орасида уч нафар мьянмалик, икки нафар роҳинжа ва битта бангладешлик эркак бор эди, деб ёзди “Bernama” ахборот агентлиги Кедаҳ полицияси маъмури Адизли Абу Шаҳга таяниб.

Адизлининг сўзларига кўра, Малайзияга кетаётган одамлар дастлаб катта қайиққа чиқишган, аммо чегарага яқинлашганда улар учта кичикроқ қайиққа ўтиб олишган. 

Қолган иккита қайиқнинг ҳолати номаълум ва қидирув-қутқарув ишлари давом этмоқда.

М.Пирматова, ЎзА