Эммануэль Макрон июнь ойида ўзи ҳамраислик қиладиган икки давлат ечими бўйича халқаро конференция доирасида Франция Фаластин давлатини тан олиши мумкинлиги эълон қилинишини айтди. У 6-7 апрель кунлари бўлиб ўтган Мисрга икки кунлик ташрифидан сўнг “France5” телеканалига берган интервьюсида шу мавзуни кўтарди.

– Фаластинни тан олиш жараёни томон ҳаракатланишимиз керак ва биз бунга яқин ойларда эриша оламиз, – деди Макрон июнь ойида Саудия Арабистони билан бирга мезбонлик қилинадиган халқаро анжуман кунларига ишора қилиб. Конференция Фаластинни тан олиш масаласини ниҳоят ҳал қилишни режалаштирмоқда.

Фаранг давлати етакчиси Фаластин давлатини тан олиш Франция учун “табу” эмаслигини таъкидлади.