Фавқулодда вазиятлар вазирлиги Академиясида Ҳарбий ва ҳарбийлаштирилган олий ҳарбий таълим муассасалари курсантлари ўртасида хорижий тиллар бўйича фан олимпиадаси бўлиб ўтди.

Олимпиада икки босқичдан иборат бўлиб, биринчи босқич оғзаки, ижодий-амалий шаклида ўтказилди. Унда жамоаларнинг нутқ равонлиги, эркин тилда сўзлаша олиш қобилиятлари синовдан ўтказилди. Иккинчи босқич эса ёзма таҳлилий босқич бўлиб, унда жамоаларнинг тил бўйича луғат бойлиги, грамматик билимдонлиги ва ифодалай олиш қобилиятлари синовдан ўтказилди.

Ушбу фан олимпиадасини Ўзбекистон давлат жаҳон тиллари университетининг мутахассисларидан иборат комиссия аъзолари холис ва шаффоф баҳолаб борди.

Фан олимпиадасининг якуний натижаларига кўра, Фавқулодда вазиятлар вазирлиги Академияси курсантларидан иборат жамоа 1-ўринни эгаллади. Шунингдек, Божхона институти курсантларидан иборат жамоа 2-ўринни қўлга киритган бўлса, Ички ишлар вазирлиги Академияси курсантларидан таркиб топган жамоага 3-ўрин насиб этди.

Якунда ғолиблар ҳамда турли номинациялар бўйича фаол иштирок этган жамоаларга диплом, ташаккурнома ва эсдалик совғалари топширилди.

<iframe width="560" height="315" src="https://www.youtube.com/embed/hSGTbesJr9U?si=_na5DOM4MPn8-xkq" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева,  

Анвархўжа Аҳмедов (монтаж),  

ЎзА