Демократ конгрессмен Эл Грин АҚШ Президенти Дональд Трампга импичмент эълон қилиш таклифини илгари сурди. Бу ҳақда “Hill” газетаси ёзди. Унинг фикрича, Трамп эгаллаб турган лавозимига лойиқ эмас.

Умуман, Грин бу ниятини анча аввал ошкор қилган. “The New York Times” газетаси ёзишича, у Капитолий тепалигида, Демократик партия бу масалани кўтармасдан олдин, яъни биринчи муддатида Трампни импичментга чақириш учун тарафдор гуруҳ раҳбарларини қайта-қайта ундаган эди. Грин жами уч марта шундай ташаббус билан чиққан ва ҳар гал муваффақиясизликка учраган.

Трамп АҚШ тарихида Вакиллар палатаси томонидан икки марта импичмент эълон қилинган ягона президент. Бинобарин, ҳар сафар у сенаторлар томонидан оқланган.

Ҳозир республикачилар Конгресснинг иккала палатасида ҳам кўпчилик. Демак, Трамп импичменти яна эҳтимолдан йироқ.