Халқимиз азалдан илм-маърифатга интилган, китоб ўқишга қаттиқ муҳаббат қўйган. Юртимиздан донғи дунёни тутган улуғ олимлар ва мутафаккирларнинг кўплаб чиққани ҳам бежиз эмас. Илмли зиёлилар у ёқда турсин, оддий ҳунарманд косиб ёки деҳқоннинг хонадонида узун қиш кечалари оилавий китобхонликлар бўлган, саводхон кишилар оила аъзоларига турли диний, илмий китобларни ўқиб берган.

Хабарингиз бор, “китобхон оналар” тадбирлари бошланганига ҳам уч йилдан ортиқ вақт бўлди. Ҳар йили, ҳар ойнинг белгиланган 17 санасида Республика Оила ва Хотин-қизлар қўмитаси билан Миллий кутубхонамиз ҳамкорлигида мана шундай гўзал давра суҳбатларини, учрашувлар ва китоб тақдимотлари ўтказиб келинмоқда. Навбатдаги "китобхон оналар" тадбирида Олмазор тумани фаоллари, онлайн Zoom платформаси орқали вилоят, шаҳар ва туман АКМ(Ахборот кутубхона маркази) ходимлари иштирок этишди.

Донолардан бири “Китобларни ёқиб юбориш оғир жиноят, бироқ дунёда ундан-да оғирроқ жиноят бор, у – китоб ўқимаслик”, деган эди. Агар биз ҳам шу нуқтаи назардан ўзимизга баҳо берадиган бўлсак, натижани билиб олишимиз мумкин.

Бизни кузатишда давом этинг, энг ишончли маълумотлар фақат Ўзбекистон Миллий ахборот агентлигининг расмий саҳифаларида ўқишингиз мумкин.

<iframe width="650" height="420" src="https://www.youtube.com/embed/LVaSk3lkZXk" title="Kitob – qalblarni yoritgan chiroq" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов (видео), ЎзА