Таиландда кикбоксинг бўйича жаҳон кубоги мусобақаси давом этмоқда. Унда дунёнинг 40 дан ортиқ давлатидан келган 630 нафар спортчи ғолиблик учун беллашмоқда.

Қувонарлиси, мазкур мусобақада Ўзбекистон терма жамоаси аъзолари умумжамоа ҳисобида 32 та олтин, 24 та кумуш ва 18 та бронза, жами 74 та медаль билан иккинчи поғонада бормоқда.

Мазкур медалларни жамғаришда Рамзхон Муҳиддинов, Муҳаммадали Хўжаев, Хангелди Айтайбоев, Илёс Омонмуратов, Арсений Раҳмонов, Камрон Неъматов, Муҳаммадзокир Амиржонов, Санжар Исматов, Амриддин Имомов, Бобурбек Раҳмонов, Қобилжон Эргашев,  Муштарий Эргашева, Ҳалимаой Ҳалимова каби кикбоксингчиларимиз бир неча йўналишларда шоҳсупага кўтарилган ҳолда ўз ҳиссаларини қўшди.

Мазкур жаҳон кубоги 12 апрелда якунланади.

Жавоҳир Тошхўжаев, ЎзА