Норин дарёсининг Наманган вилоятидан ўтган қисмида кичик ГЭСлар барпо этиш бўйича изланишлар давом этмоқда. Янги лойиҳалар бўйича хорижлик катта тажрибага эга инвесторлар билан ҳамкорлик олиб бориляпти.

“China Construction Third Engineering Bureau Group” компаниясининг Ўзбекистон филиали бош директори Фанг Давеи бошчилигидаги делегация шу мақсадда Наманганга келди.

“China Construction Third Engineering Bureau Group” — Хитойнинг йирик давлат қурилиш компанияларидан бири бўлиб, бу йўналишда дунёдаги энг катта қувватлардан бири сифатида Fortune Global 500 рўйхатига кирган.

Наманган вилояти ҳокими Шавкат Абдураззоқов делегацияни қабул қилди. Ўзаро мулоқотда хорижий компаниянинг имкониятлари, лойиҳа таклифлари тингланди. Кичик ГЭСлар барпо этиш бўйича талаб ва шароитлар муҳокама қилинди.

                                                                                                                              Ҳотам МАМАДАЛИЕВ (сурат), ЎзА