ФОТОРЕПОРТАЖ

Қорақалпоғистон Республикаси Хўжайли туманида яшовчи ҳунарманд Арман Шержанов сувенир кемалар ясаш билан шуғулланади.

– Ҳунармандчиликни энди ўрганган кезларим буюртмачиларнинг таклифига кўра, турли уй-рўзғор буюмлари тайёрлар эдим, - дейди ҳунарманд. – Лекин кемасозликка қизиққаним боис, сувенир кема ясаш сирларини ўргандим. Ҳозирда бундай буюмларнинг бир нечта турдагисини тайёрлаяпман.  Асосан буюртма бўйича ишлайман. Беш юз мингдан бошлаб, бир ярим миллион сўмгача бўлган қийматдаги кемаларни ясаб, ўз эгаларига топшираман.

[gallery-23642]

Бугунги кунда сувенир кемаларга буюртмачилар сони ошган. Турли байрам, тадбирларда уста ясаган буюмлар эсдалик совға сифатида бериш анъанага ҳам айланиб улгурди. Ҳаттоки, Қозоғистон Республикаси ва  юртимиз вилоятларидан ҳам буюртмалар келиб тушмоқда.  

Уста ҳудуддаги 19-умумтаълим мактабида ўқувчиларга “Устоз-шогирд” анъанаси асосида ҳунармандчилик сир-асрорларини ўргатишни ҳам йўлга қўйган. Шунингдек, спортнинг миллий кураш ва дзюдо тури бўйича ҳам шогирдлар тайёрламоқда. Асосийси, у ўзи ясаган кема сувенирларини мусобақаларда ғолиб бўлган шогирдларига эсдалик сифатида топширишни одат қилган.

<iframe width="640" height="420" src="https://www.youtube.com/embed/qpwpUE6stXA" title="Kemasoz usta" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА