Шу кунларда давлатимиз раҳбари Шавкат Мирзиёев Япония Бош вазири Санаэ Такаичининг таклифига биноан расмий ташриф билан Токио шаҳрида бўлиб турибди.

Ўзбекистон етакчиси ташриф доирасида Япониянинг етакчи компаниялари, молия институтлари ва бизнес уюшмалари раҳбарлари билан учрашув ўтказди. Япониянинг йирик “Shimizu” корпорацияси вакили Казуя Осако мазкур учрашув ҳақидаги фикрлари билан ўртоқлашди. 

– Ўзбекистон Япония учун жуда муҳим давлат ҳисобланади. Мамлакатимизнинг “Shimizu” корпорацияси илгари юртингизда аэропорт реконструкцияси ва кўприклар қурилиши каби инфратузилма лойиҳаларида фаол қатнашган. Биламизки, ўлкангизда сўнгги йилларда кўплаб ижобий ўзгаришлар кузатилмоқда. Қайд этишим керакки, “Shimizu” юқори сифатли инфратузилмаларни барпо этиш орқали Ўзбекистонни янада ривожлантиришга ҳисса қўшишга тайёр.

Биласизми, Ўзбекистон Президентининг Марказий Осиёдаги етакчилиги алоҳида аҳамият касб этади. Мазкур учрашувларда иштирок этиш биз учун катта шараф. Ушбу мулоқотлар икки давлат ўртасидаги муносабатларни янада мустаҳкамлашга хизмат қилишига ишонамиз.

Ушбу интервьюни ЎзАнинг “YouTube” каналида кўришингиз мумкин.

<iframe width="650" height="420" src="https://www.youtube.com/embed/Zscc6uWCbIo" title="Kazuya Osako: O‘zbekiston Yaponiya uchun strategik hamkor" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Д.Ҳакимов, А.Аҳмедов (видео), ЎзА