Канада Бош вазири Марк Карни айтишича, Оттава ўз иттифоқчилари билан Украинага боғлиқ воқеалар туфайли Россияга қарши янги чеклов чоралари тўплами устида ишламоқда.

- Ҳозиргача 3000 дан ортиқ одамга нисбатан санкция жорий қилдик, нефть нархи чегарасини кучайтирдик, энди иттифоқчилар иштирокида янги чеклов тўлқини тайёрланяпти, - деган Карни Миссиссоге штатида сўзлаган нутқида. - Бу чоралар аллақачон иқтисодиётга таъсир ўтказмоқда. Босимни сақлаб қолишимиз керак. Санкция Украинани қўллаб-қувватлаш, жумладан ҳарбий ёрдам кўрсатиш ва келажак учун хавфсизлик кафолатини таъминлаш бўйича кенг кўламли сиёсатнинг бир қисмидир. Иттифоқчилар ҳаракатда бирдамлик ва изчилликни сақлаши лозим. Канада, аввалгидек, “Хоҳловчилар коалицияси”даги ҳамкорлар билан қадамларни мувофиқлаштиради ва Украина манфаатини кўзлаб, узоқ муддатли ечим ишлаб чиқишга интилади.

С.Раҳимов, ЎзА