Корея Республикаси 2010 йилдан буён биринчи марта Шимолий Корея аҳолисига мўлжалланган тарғибот-ташвиқот радио дастурини чеклади. Бу ҳақда "Рёнхап" агентлиги мамлакат Мудофаа вазирлигига таяниб деб хабар тарқатди.

— Мудофаа вазирлиги икки Корея ўртасида ҳарбий кескинликни юмшатишга қаратилган саъй-ҳаракат доирасида “Озодлик овози” эшиттиришини тўхтатди, — дея, мудофаа вазирлиги вакили сўзларидан иқтибос келтирган агентлик.

Жанубий Корея 2010 йил Сариқ денгизда Чеонан корвети чўкиб кетгач, Корея Халқ Демократик Республикасида тинглаш мумкин бўлган эшиттиришни тиклаган эди. Ўша қурилма ҳалокат вақти, номаълум сабабга кўра, иккига бўлиниб кетган. Сеул расмийлари кема Шимолий Корея торпедаси томонидан чўктирилганини таъкидлаган.

Дарвоқе, Жанубий Корея янги Президенти Ли Чжэ Мён лавозимга киришгандан бери тинчлик муҳитида Шимол ва Жануб ўртасидаги ишончни тиклаш муҳимлигини таъкидлаб келмоқда.

С.Раҳимов, ЎзА