NBC телеканали республика фуқаро авиацияси маъмурияти ҳисоботига таяниб хабар қилишича, Жанубий Африкада пингвин вертолёт ҳалокатига сабабчи бўлди.

"Robinson R44 Raven II" учоғи мамлакат жануби-шарқий қирғоғини аэрофотосуратга олишни режалаштирганди.

Йўловчилардан бирида пингвин солинган қути бўлган. Самолёт 15 метр баландликка кўтарилганда жонивор сирғалиб тушиб, бошқарув тизимига келиб урилган. Натижада мувозанатини йўқотган вертолёт парраги ерга урилган ва ўнг томонга қулаган.

Тергов хулосасида учувчи юк ташиш қоидасига амал қилмагани таъкидланган. Афсуски, қуш нима сабабдан сафарга олиб чиқилгани ҳамон номаълум.

Хайриятки, ҳодиса пайти ҳеч ким, ҳатто пингвин ҳам жабрланмаган.