Италия мухолифат партияси – “Беш юлдуз” ҳаракати (M5S) депутатлари парламент қуйи палатаси – Депутатлар палатаси сессиясига Фаластин байроғидаги қизил, қора, яшил ва оқ рангли кийимда келди. Бу ҳақда “Анадолу” ёзган.
M5S депутатлари Фаластин байроғи ранглари тизими шакллантирилган ҳолда, палатадаги ўриндиқларини эгаллаб, Фаластин байроғи инсон ҳуқуқи ва эркинлиги учун курашнинг умумуий рамзига айланганидан огоҳ қилишга уринишди. Сессия давомида M5S вакили Риккардо Риччарди ҳукуматга “Нега деярли бутун дунё Фаластин давлатини тан олади-ю, лекин Италия тан олмайди?” деган саволни берди.
Унинг сўзларига кўра, ноиблар мусодара қилинишидан қўрқиб, атай ўзлари билан байроқ олиб келишдан тийилган. Уларнинг кийимидаги ранглар нафақат Фаластин байроғи, балки адолат, инсон ҳуқуқи учун халқаро миқёсдаги кураш рамзи экани таъкидланган. Риччарди Италия ҳукуматини ҳаракатсизлик ва лоқайдликда айблади:
– Сиз айбдорсиз. Ҳақиқатни билсангиз-да, жим турасиз. Бутун бир халқ қирғин қилинаётганда юз ўгирасиз. Қўллари қонга ботган Исроил Бош вазири билан қўл бериб кўришасиз.
Қайд этилишича, Исроилни иқтисодий ва сиёсий нуқтаи назардан қўллаб-қувватлаш жиноятга бевосита шерикликдир.
“Беш юлдуз” ҳаракати раҳбари Жузеппе Конте ижтимоий тармоқ орқали депутатлар суратини чоп этди ва Италияни ушбу можарода “ўнг томон”нинг ёнини олишга чақирди:
– Биз 60 000 одам, жумладан 18 000 бола ҳалок бўлган, халқни очлик йўли билан йўқ қилишга қаратилган бу геноцидга қарши туриш зарурлиги ҳақида гапиришда давом этамиз, – деди Конте. – M5S аъзолари Фаластин халқининг яшаш ҳуқуқини ҳимоя қилиш тарафдори. Бугун бу байроқни осмаяпмиз, чунки олиб қўйишлари мумкин. Бинобарин, туғни танамизга тақамиз, чунки бу энди оддий Фаластин байроғи эмас, балки инсоният учун курашнинг умумбашарий рамзи.
Италиялик депутатларнинг айни ҳаракати жамоатчиликда турли муносабат уйғотди. Ижтимоийтармоқда жуда кўпчилик M5S депутатларининг Фаластин байроғи рангларида кийинган сурат ва видеоларини фаол равишда баҳам кўриб, шу тариқа Фаластин халқи билан бирдамликни ифодаладилар.
М.Пирматова, ЎзА