Жиззах вилоятида Ислом цивилизацияси музейини бойитиш ва тегишли илмий ҳамда инновацион лойиҳаларни амалга ошириш ишлари изчил давом этмоқда.

Шу мақсадда Имом Мотуридий халқаро илмий-тадқиқот маркази илмий ходими Абдували Пардаев, Жиззах вилояти ҳокимлиги котибият мудири Диёр Қўлдошев, ҳокимлик мутахассиси Шаҳриёр Қиличев ҳамда бошқа масъуллар иштирокида навбатдаги йиғилиш бўлиб ўтди.

Йиғилишда вилоят учун белгиланган 7 та илмий ва инновацион лойиҳани ҳаётга татбиқ этиш масалалари муҳокама қилинди.  

Шунингдек, 5 нафар етук олим ва мутахассислардан иборат Ишчи гуруҳ таркиби шакллантирилди.

Мулоқот давомида Жиззах вилоятида яшаб ўтган тарихий шахслар ва қаҳрамонлар рўйхати умумлаштирилиб, музей фондини бойитиш йўналишидаги амалий ҳаракатлар мувофиқлаштирилди.

ЎзА