Ватан учун, миллат учун, халқ учун!
Ватанимиз мустақиллигининг 34 йиллиги кенг шодиёна қилинаётган айни кунларда босиб ўтган йўлимизга назар ташлар эканмиз, ҳар бир жабҳада кенг кўламли ишлар амалга оширилгани, юксак натижалар қўлга киритилганига гувоҳ бўламиз.
Бугун Ўзбекистон дунё саҳнида ўз ўрни ва нуфузига эга бўлиб бормоқда, қўшнилар билан яқин ва дўстона муносабатлар кенг йўлга қўйилди. Халқаро ташкилотлар ва нуфузли тузилмалар билан манфаатли ҳамкорлик алоқалари мустаҳкамланмоқда. Мамлакатимизнинг турли йўналишларда халқаро рейтинглардаги ўрни ижобий томонга юқорилаб бормоқда.
Эришилаётган барча самарали натижаларнинг асоси сифатида Бош қомусимиз, мустаҳкам қонунчилик базаси ҳамда стратегик дастурларни айтишимиз мумкин.
Олий Мажлис Қонунчилик палатаси депутати, Экофракция аъзоси Наврўз Юсупов истиқлол манзаралари, амалга оширилаётган ислоҳотлар ҳақида ўз фикр-мулоҳазаларини баён қилди:
— Мустақиллик миллий давлатчилигимиз асосларини яратишга асос бўлди. Бугунги кундаги ривожланишимизга асос бўлиб хизмат қилаётган Конституциямиз қабул қилинди, миллий қонунчилигимиз мустаҳкамланди.
Сўнгги йилларда узоқ йиллик стратегиялар қабул қилингани янги Ўзбекистонни барпо этишга замин бўлмоқда. Жумладан, “Ҳаракатлар стратегияси”, “Тараққиёт стратегияси” ҳамда “Ўзбекистон — 2030” стратегиялари қабул қилингани мамлакатнинг ҳам иқтисодий, ҳам ижтимоий жиҳатдан юксалишига хизмат қилмоқда. Ушбу стратегияларнинг ҳаётга татбиқ этилиши натижасида халқимизнинг фаровон ҳаёти таъминланмоқда. Бугун халқимиз мустақиллик энг олий неъмат ва олий қадрият эканини юракдан ҳис қилмоқда.
Батафсил қуйидаги видеоҳаволада.
<iframe width="560" height="315" src="https://www.youtube.com/embed/LwANFVlNCQY?si=ss1a7tWH0vXB3z__" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳтарама Комилова,
Дониёр Якубов,
Анвар Аҳмедов (видео),
ЎзА