Қорақалпоғистон Республикаси Тахиатош тумани спорт мактабида спортнинг футбол, бадиий гимнастика, стол тенниси, оғир атлетика, волейбол, баскетбол, бокс, таэквандо WTF, эркин кураш, бадминтон, гандбол, миллий кураш, қўл жанги каби 19 тури бўйича тўгараклар фаолияти йўлга қўйилган. Уларда 2 минг 750 нафарга яқин ўғил-қиз маҳорат оширмоқда.

Ўтган 2024 йилда спорт мактаби тарбияланувчилари Ўзбекистон чемпионати мусобақаларида 94 та, Осиё чемпионатида 3 та, жаҳон чемпионатида 2 та ва халқаро турнирларда 65 та медални қўлга киритди.

[gallery-22623]

Сўнгги йилларда спорт мактабининг моддий-техник базасини яхшилаш, ёшларга қулай шароитлар яратиш борасида ҳам эътиборга молик ишлар бажарилмоқда. Хусусан, 2024 йил спорт мактабининг кураш турларига ихтисослаштирилган қўшимча биносида капитал таъмирлаш ишлари амалга оширилди. Ушбу замонавий спорт базасида ҳозирда 500 га яқин ўғил-қиз миллий кураш ва Jiu Jitsu спорт турлари билан мунтазам шуғулланмоқда.  

Jiu Jitsu тури бўйича 2023 йил Қозоғистон Республикасининг Остана шаҳрида ўтказилган жаҳон чемпионати мусобақасида мактаб ўқувчиларидан бири Асия Хайбулла 1-ўринни эгаллади. Шунингдек,  2024 йил 1-8 май кунлари Бирлашган Араб Амирлигининг Абу Даби шаҳрида ўтказилган I Осиё чемпионатида Азимжон Тожибоев +94 кг вазнда 3-ўрин, Камронбек Каримбоев 77 кг вазнда 3-ўрин, Ислом Ўрозбоев 62 кг вазнда 2-ўринни қўлга киритди. Ҳозирда иқтидорли спортчилар жорий йил Иордания Jiu Jitsu спорт тури бўйича ўтказиладиган жаҳон чемпионати баҳсларига тайёргарлик кўрмоқда.

<iframe width="640" height="420" src="https://www.youtube.com/embed/Sc9gEVnL_cU" title="Iqtidorli sportchilar maskani" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА