АҚШнинг Калифорния штатида “TYR Pro Swim Series” халқаро сузиш мусобақаси бўлиб ўтди. Унда Ўзбекистон терма жамоаси вакили Илья Сибирцев муваффақиятли иштирок этди.

Нуфузли мусобақанинг 1500 метр масофага эркин усулда сузиш баҳсларида Илья кумуш медалга сазовор бўлган бўлса, ушбу усулда сузишнинг 400 ва 800 метр масофаларда ўтказилган беллашувларида кумуш медални қўлга киритди. Шунингдек, сузувчимиз 200 метрга эркин усулда ҳам иштирок этиб, маррага олтинчи бўлиб етиб келди.

Эслатиб ўтамиз, "Париж-2024" Олимпия ўйинлари иштирокчиси Илья Сибирцев Иллинойсда (АҚШ) март ойида ўтган “TYR Pro Swim Series” мусобақасининг 200 метр масофага эркин усулда сузиш беллашувларида шоҳсупанинг учинчи поғонасидан жой олган эди.

Жавоҳир Тошхўжаев, ЎзА мухбири