Қизил денгизда юк кемаларига қарата ва Исроилга қарши уюштирилаётган ҳужумлар хусийларнинг салоҳиятини мустаҳкамламоқда, чунки бу ҳаракат ҳали мағлубиятга учрамаган, Эрон томонидан қўллаб-қўвватланаётгани таъкидлаб келинадиган сўнгги гуруҳ ҳисобланади. Қолаверса, жўғрофий устунлик, яъни каттагина ҳудуд ҳам уларнинг ўзларига ишончини оширмоқда.

Хусийлар йиллар давомида тўпланган ракета ва дронларни ғорларга ёки ер ости иншоотларига жойлаштирган, қурол ва ракета учирадиган қурилмаларни йиғиш тизимини яратган.

АҚШ зарбалари туфайли Яманда юзлаб бегуноҳ аҳоли вакиллари қурбон бўляпти, кўпчилик яраланяпти, фуқаролик инфратузилмаси вайрон бўляпти. Натижада халқ хусийларни қаттиқ қўллаб-қувватлаб, АҚШга нисбатан ғазабини ошкор қилмоқда. Таҳлилчилар ҳам, расмийлар ҳам хусийларни авиа зарбалар билан мағлуб этиш у ёқда турсин, ҳатто тийиб туришнинг ҳам имкони йўқлигини такрорлайди.